Tag Archives: musician

Daluhong: a composition recital

Alexander John Villanueva’s Graduation Recital
Feb. 3, 2012, Abelardo Hall Auditorium, UP College of Music

Daluhong
text by Ara Janelle Foronda

I. Daluhong ng Alaala
Alaala
Alaalang inaalala
Inaalalang alaala

Bakit inaalala ang mga mangyayari palang?
Hindi ba’t ang pagaalala ay para lamang sa mga alaala?

Pinagtatakpan ang mga kadungisan
Ng alikabok na nakakapuwing
Di maglalaon, pinangliligo na
Ang dungis ng ibang tao
Isa ka nang higanteng kahihiyang
Naglalakad sa gitna ng daan
Tila kapita-pitagan ang sangsang
Na ikaw lang ang hindi nakakapuna

Nagpapasalamat ang mga kinuhanan
Ng pagkukunwaring kahihiyan

Kakayahan!

Nagbubunyi ang sinamsam
Tila nabuhusan ng tubig na maligamgam
Mga alaalang dapat sinusunog sa mga pahina
Ay nakakarating pa sa tainga ng iba
Mga dayaming inakalang may silbi
Itinanim sa harapan ng iyong hardin
Sa pagmamasid
Pumapalakpak ang tainga sa kumpas
Ng pulso ng karangyaan

Nagpupuri sa mga bagay na ikinakahiya
Ipinagbubunyi ang mga itinatatwa

Dahil, ano ba talaga ang madaling paniwalaan
Ang di gumagalaw o ang di nakikita?

Mas maigi nang pagbuntungan
Ng angas
Ng galit
Ng pag-yurak
Ang mga bagay na sumisimbolo
Sa mga hindi natatanaw

Nais ko lamang ipaalala
Na isa na lamang alaala
Ang nakalipas na segundo
Ng iyong pilit na pag-alala

Isa na lamang alaala
Ang kaganina’y inaalala

II. Hunyango
Sa kasukdulan na pananaimtim
Kinumpol na mga letra
Itinago sa loob ng mga palad

Inilapat sa mga matang
Pinamumugaran ng kabalintunaan

Pinapalabas na kasawian
Kapus-kapalaran
Ang mga duming nakasiksik
Sa mga kuko
Ng pusang iyong inihahalintulad
Sa isang mapangutyang
Ganid sa isda

Isinaboy sa nanunuyong labi
Ang mga letrang pinakatatago

Biglang bumuhos ang
Halakhak
Dahil sa rehas
Na pumapagitna
Sa inyong dalawa
Mga kinikimkim na pag-akala
Para sa mga kaluluwang
Walang ginawa
Kundi maging tao
Iniukit ang palad

Nilukot ang bawat linya
Sa mga kinamumuhiang
Hindi naman tinataglay

Sa kasukdulan mo nakita
Ang kaguluhan at
Paninimdim
Isa ka lamang sa marami
Na nagkukunwaring
Kaluluwa

III. Paghihikahos
Iwaglit ang bawat pagdaluhong
Hanapin ang mga kahulugan
Sa mga bituing nananahimik
Sa kanilang kinalalagyan
Kung maaari lang turuan
Ang salamin na magsinungaling
Upang ang buwan ay gawing
Kasing-laki ng mga patak ng ulan
Inaasam na pagkasyahin
Mga awiting naisasambit
Sa isang inaalikabok na parisukat
At sa kabila ng planadong
Kaguluhan
Nais nalang manatiling
Alaala ang mga katanungang
Inaalala
Upang mayroon pang alalahanin
Ang naghihikahos kong katauhan

some of my music

For all who are reading this, I want you to know that I am a musician by heart. I am studying composition in the Philippines. I and my family have high dreams for myself. Music is my first and forever love.

Food just comes second. I search for the best restaurants and food stalls here in Manila, and I tell you what I think about it. It’s fun after all! Like any Asian country, Manila is a food Mecca–a place where food is part of tradition, rituals, and everyday life. I will blog things about that, don’t worry!

But for the mean time, I give you some of my music that I chose to love.

This is me conducting!